അഭിനയപ്രതിഭ

 നാലാമത് NSTFK യുടെ 
 അഭിനയപ്രതിഭ
 പുരസ്കാരത്തിന്
 എഴുത്ത് എന്ന നാടകം 
 അവതരിപ്പിച്ച 
 സന്ദീപ് സതീഷ് അർഹനായി.
 Special jury mention ന് 
രേവമ്മ പറയുന്നത് 
എന്ന നാടകം അവതരിപ്പിച്ച 
 കൗമുദി കളരിക്കണ്ടി
അർഹയായി.
ശാന്തൻ പൂതേരിയുടെ കോമരം
എം.ഷാജിയുടെ ബ്ലൂ-ദ കളർ ഓഫ് മാൻ
ഷാജി പരമേശ്വരൻ്റെ ദിനേശൻ്റെ കഥ
ജയരാജ് പി കണ്ണൂരിൻ്റെ ഓന്ത്
സായൂജിൻ്റെ ഭദ്രൻ്റെ വാൾ
സുഭാഷ് സുമതി ഭാസ്ക്കരൻ്റെ ആമേൻ
എന്നിങ്ങനെയാണ് വേദിയിൽ മത്സരിച്ച
മറ്റ് അഭിനേതാക്കളും നാടകങ്ങളും.
റഫീഖ് മംഗലശ്ശേരി, പ്രേമൻ മുചുകുന്ന്
എന്നിവരായിരുന്നു വിധി നിർണ്ണയിച്ചത്.
പരപ്പനങ്ങാടിയിലെ ആദ്യകാല നാടക രചയിതാവും സംവിധായകനും അഭിനയേതാവും ഒപ്പം താലൂക്ക് ലൈബ്രറി കൗൺസിൽ പ്രവർത്തകൻ നവജീവൻ വായനശാലയുടെ ഭാരവാഹി, രാഷട്രീയ സാംസ്ക്കാരിക രംഗത്തെ സജീവ സാന്നിധ്യം
കൂടാതെ ഫുട്ബോൾ പ്രേമിയും കളിക്കാരനും ഒക്കെയായി നാടിൻ്റെ പ്രിയങ്കരനായ ഉണ്ണിയേട്ടൻ എന്നറിയപ്പെട്ടിരുന്ന വി.ശിവശങ്കരൻ എന്നവരുടെ സ്മരണാർത്ഥമാണ് നവജീവൻ വായനശാല 
NSTFK(navajeevan solo theatre festival of kerala) സംഘടിപ്പിച്ചു കൊണ്ട് 
അഭിനയപ്രതിഭയെ തിരഞ്ഞെടുക്കുന്നത്.
NSTFK യുടെ നാലാമത് എഡിഷനാണ് 
മെയ് 4 ന് ശനിയാഴ്ച പുത്തൻപീടിക
യജ്ഞമൂർത്തി മന്ദിരത്തിന് സമീപം
വെച്ചു നടന്നത്.
വി.ശിവശങ്കരൻ്റെ ഭാര്യ കെ.പങ്കജാക്ഷി
എന്നവർ വിജയികളെ പ്രഖ്യാപിക്കുകയും
പുരസ്ക്കാര വിതരണം നടത്തുകയും
ചെയ്തു.  

നിയമ ബോധവത്ക്കരണ ക്ലാസ്

നവജീവൻ വായനശാലയുടെ വനിതവേദി, ആൾ ഇന്ത്യ ലോയേഴ്സ് യൂണിയൻ്റെ (AILU) പരപ്പനങ്ങാടി വനിത സബ് കമ്മറ്റി, കുടുംബശ്രീ പരപ്പനങ്ങാടി എന്നിവയുടെ സംയുക്ത ആഭിമുഖ്യത്തിൽ പരപ്പനങ്ങാടി നഗരസഭ ഓഡിറ്റോറിയത്തിൽ വെച്ച് സ്ത്രീ-നിയമം-സമൂഹം എന്ന വിഷയത്തെ ആസ്പദമാക്കി നിയമ ബോധവത്ക്കരണ ക്ലാസ് സംഘടിപ്പിച്ചു.

പരപ്പനങ്ങാടി കോടതിയിലെ പ്രമുഖ അഭിഭാഷകരായ പി.പി ബഷീർ, ഒ.കൃപാലിനി

എന്നിവർ ക്ലാസിന് നേതൃത്വം നൽകി.

പരിപാടിയുടെ ഔപചാരികമായ ഉദ്ഘാടനം

പരപ്പനങ്ങാടി നഗരസഭ വൈസ് ചെയർപേഴ്സൺ കെ.ഷഹർബാനു അവർകൾ നിർവ്വഹിച്ചു. സി ഡി എസ്‌ ചെയർപേഴ്സൺ സുഹ്റാബി പി.പി അധ്യക്ഷത വഹിച്ച ചടങ്ങിൽ ക്ഷേമകാര്യ സ്റ്റാൻൻ്റിംഗ് കമ്മറ്റി ചെയർപേഴ്സൺ മുഹ്സിന കെ.പി, കൗൺസിലർ ബേബി അച്യുതൻ എന്നിവർ ആശംസകളർപ്പിച്ച് സംസാരിച്ചു.വിവിധ ഡിവിഷൻ കൗൺസിലർമാർ ചടങ്ങിൽ സന്നിഹിതരായി.

AlLU വനിതവിഭാഗം പരപ്പനങ്ങാടി കൺവീനർ അഡ്വ.ഷബ്രേസ് അൻവർ സ്വാഗതവും

വനിതവേദി പ്രസിഡണ്ട് കെ.ശീതള നന്ദിയും പറഞ്ഞു.

വനിതദിനാഘോഷം

നവജീവൻ വനിതവേദി സംഘടിപ്പിച്ച വനിതദിനാഘോഷം പരപ്പനങ്ങാടി മുനിസിപ്പൽ വൈസ് ചെയർപേഴ്സൺ കെ.ഷഹർബാനു അവർകൾ ഉദ്ഘാടനം ചെയ്തു.മാധ്യമ പ്രവർത്തക നിലീന അത്തോളി മുഖ്യപ്രഭാഷണം നടത്തി സംസാരിച്ചു.കെ.ശീതള അധ്യക്ഷത വഹിച്ച ചടങ്ങിൽ കെ.പി.അശ്വതി സ്വാഗതവും കെ.സഞ്ജന നന്ദിയും പറഞ്ഞു. തുടർന്ന് വനിതവേദി പ്രവർത്തകരുടെ നേതൃത്വത്തിൽ ഗാനങ്ങളും മ്യൂസിക്കൽ ഡ്രാമയും അരങ്ങേറി.

ഗാന്ധിഭാരതം ക്വിസ് മത്സരം

75-ാമത് ഗാന്ധി രക്തസാക്ഷിത്വ ദിനത്തിൽ നവജീവൻ വായനശാലയുടെ യുവത വിഭാഗം സംഘടിപ്പിച്ച ഗാന്ധിഭാരതം ക്വിസ് മത്സരത്തിൽ പി.ഫസൽ റഹ്മാൻ ഒന്നാം സമ്മാനാർഹനായി.

കെ.മുർഷിദ രണ്ടാം സ്ഥാനം നേടി.

പരപ്പനങ്ങാടി പയനിങ്ങൽ ജംഗ്ഷനിൽ പൊതുജന സമക്ഷം നടന്ന ക്വിസ് മത്സരത്തിന് കെ.കുഞ്ഞികൃഷ്ണൻ നേതൃത്വം നൽകി.

മുനിസിപ്പൽ കൗൺസിലർ

മഞ്ജുഷ പ്രലോഷ് വിജയികൾക്കുള്ള ഉപഹാരവും ക്യാഷ് പ്രൈസും വിതരണം ചെയ്തു. യുവത പ്രസിഡണ്ട് കെ.പ്രശോഭ് അധ്യക്ഷത വഹിച്ച ചടങ്ങിൽ സെക്രട്ടറി ആര്യ സ്വാഗതം പറഞ്ഞു.

ആനന്ദ് കളരിക്കൽ, മനീഷ് കെ.പി എന്നിവർ സംസാരിച്ചു.ജിഷ്ണു.പി നന്ദി പറഞ്ഞു.

വനിതവേദി യാത്ര

വായനശാലയുടെ വനിതവേദി വിഭാഗം യാത്ര സംഘടിപ്പിച്ചു.  കരിയാത്തൻ പാറയും, ക്രാഫ്റ്റ് വില്ലേജുമായിരുന്നു

യാത്രക്കായി തിരഞ്ഞെടുത്തത്. 16 പേരായിരുന്നു യാത്രക്ക് പുറപ്പെട്ടത്. 

ബാലചിത്രരചന മത്സരം

ബാലചിത്രരചന മത്സരം - മദനൻ സമ്മാനദാനം നടത്തി

ശിശുദിനത്തിൻ്റെ ഭാഗമായി നവജീവൻ വായനശാല സംഘടിപ്പിച്ച 35-ാമത്

ബാലചിത്രരചന മത്സര വിജയികൾക്കുള്ള സമ്മാനദാനം പ്രശസ്ത ചിത്രകാരൻ മദനൻ നിർവ്വഹിച്ചു.വിവിധ വിഭാഗങ്ങളിലായി സ്ക്കൂൾ തല മത്സരമാണ് സംഘടിപ്പിച്ചത്.

അണ്ടർ 25 വിഭാഗത്തിൽ കേരള ക്രിക്കറ്റ് ടീമിലേക്ക് തിരഞ്ഞെടുക്കപ്പെട്ട പുളിക്കലകത്ത് ഇസ്ഹാഖ്,

അണ്ടർ 14 വിഭാഗത്തിൽ

കേരള നോർത്ത് സോൺ ക്രിക്കറ്റ് ടീമിലേക്ക് തിരഞ്ഞെടുക്കപ്പെട്ട ആഗ്നേയ്.പി, ജില്ല സ്ക്കൂൾ മീറ്റിൽ 80 മീറ്റർ ഹർഡ്ൽസ് സ്വർണ്ണ ജേത്രി പി. മാളവിക എന്നിവരെ ചടങ്ങിൽ അനുമോദിച്ചു.

മുനിസിപ്പൽ കൗൺസിലർ ജൈനിഷ മണ്ണാറക്കൽ, ചിത്രകല അധ്യാപകൻ നാരായണൻ അത്തോളി എന്നിവർ ചടങ്ങിൽ ആശംസകൾ നേർന്നു.

വായനശാല പ്രസിഡണ്ട് സനിൽ നടുവത്ത് അധ്യക്ഷത വഹിച്ച ചടങ്ങിൽ സെക്രട്ടറി എം.പ്രഭാകരൻ സ്വാഗതവും, മനീഷ് കെ.പി നന്ദിയും പറഞ്ഞു.

ജനചേതന യാത്ര

ജനചേതന യാത്രയുടെ വിളംബരജാഥ സമാപിച്ചു

അന്ധവിശ്വാസ അനാചാരങ്ങളകറ്റാൻ ശാസ്ത്രവിചാരം പുലരാൻ എന്ന മുദ്രാവാക്യമുയർത്തി കേരള സ്റ്റേറ്റ് ലൈബ്രറി കൗൺസിൽ സംഘടിപ്പിക്കുന്ന ജനചേതന യാത്രയുടെ

തിരൂരങ്ങാടി താലൂക്ക്തല സ്വീകരണത്തിന് മുന്നോടിയായുള്ള ലൈബ്രറി കൗൺസിൽ പരപ്പനങ്ങാടി മുനിസിപ്പൽ മേഖല സമിതിയുടെ നേതൃത്വത്തിൽ നടക്കുന്ന വിളംബര ജാഥ മുനിസിപ്പൽ ചെയർമാൻ എ.ഉസ്മാൻ ഉദ്ഘാടനം ചെയ്തു.ജാഥാ ക്യാപ്റ്റൻ സനിൽ നടുവത്തിന് വിവിധ കേന്ദ്രങ്ങളിൽ ഹാരാർപ്പണം നടത്തി.

മുനിസിപ്പൽ കൗൺസിലർമാരായ തുടിശ്ശേരി കാർത്തികേയൻ, ജൈനിഷ മണ്ണാറക്കൽ എന്നിവർ ആശംസകളർപ്പിച്ച് സംസാരിച്ചു. സമാപന കേന്ദ്രത്തിൽ തിരൂരങ്ങാടി താലൂക്ക് ലൈബ്രറി കൗൺസിൽ സെക്രട്ടറി കെ.പി സോമനാഥൻ കാര്യങ്ങൾ വിശദീകരിച്ചു.

വിവിധ കേന്ദ്രങ്ങളിലായ് ഡോ.ഹാറൂൺ റഷീദ്, സി.അബ്ദുറഹ്മാൻ കുട്ടി, കെ. ശീതള, എം.കെ അശോകൻ, എം.പ്രഭാകരൻ, ഷനീബ് മൂഴിക്കൽ, ഇ.ഒ.അബ്ദുൾ ഹമീദ് എന്നിവർ സംസാരിച്ചു.

കായികവേദി - ഷട്ട്ൽ ടൂർണ്ണമെൻറ്

അഖിലേഷ് & ആസിഫ് ടീം പ്രഥമ നവജീവൻ ഷട്ട്ൽ ടൂർണ്ണമെൻ്റിൽ വിജയികളായി

പരപ്പനങ്ങാടി:

നവജീവൻ വായനശാലയുടെ കായിക വേദി വിഭാഗം സംഘടിപ്പിച്ച

ഒന്നാമത് മലബാറി ന്യൂസ് വിന്നേഴ്സ് ട്രോഫിക്കും മലബാർ കോളേജ് റണ്ണറപ്പ് ട്രോഫിക്കും വേണ്ടി പുത്തൻപീടികയിലെ ചാത്തേരി ഷട്ട്ൽ കോർട്ടിൽ വെച്ച് നടന്ന ഡബ്ൾസ്

ഷട്ട്ൽ ടൂർണ്ണമെൻ്റിൽ അഖിലേഷ് & ആസിഫ് ടീം വിജയികളായി.ഷാഫി & ഹാരിസ് ടീം റണ്ണറപ്പ് വിജയികളായി.

വിജയികൾക്ക് ട്രോഫിയും ക്യാഷ് പ്രൈസും നൽകി.

കളിയുടെ ഉദ്ഘാടനവും സമ്മാനദാനവും മുനിസിപ്പൽ കൗൺസിലർ തുടിശ്ശേരി കാർത്തികേയൻ നിർവ്വഹിച്ചു.

പുന്നൂസ് കുര്യൻ, ഉമ്മർ, ഷാഫി, ഇംത്യാസ്, പ്രേംകുമാർ, റഹ്മത്ത് എന്നിവർ കളി നിയന്ത്രിച്ചു.

കായികവേദി പ്രസിഡണ്ട് അജിത് ഒ.കെ അധ്യക്ഷത വഹിച്ച ഉദ്ഘാടന ചടങ്ങിൽ സെക്രട്ടറി മനു കൃഷ്ണൻ സ്വാഗതവും പ്രശോഭ് നന്ദിയും പറഞ്ഞു.

സ്ത്രീ രോഗങ്ങളെക്കുറിച്ച് ബോധവത്ക്കരണ ക്ലാസ്സ്

നവജീവൻ വായനശാലയുടെ വനിതവേദി വിഭാഗം

സ്ത്രീ രോഗങ്ങളെക്കുറിച്ച് ബോധവത്ക്കരണ ക്ലാസ്സ് സംഘടിപ്പിച്ചു.ഗവൺമെൻ്റ് സർവ്വീസിൽ നിന്നും റിട്ടയർ ചെയ്ത സിവിൽ സർജൻ ഗൈനക്കോളജിസ്റ്റ്

ഡോ.സി.എം ദേവകിക്കുട്ടി ക്ലാസ്സ് നയിച്ചു. മുനിസിപ്പൽ കൗൺസിലർ ജൈനിഷ മണ്ണാറക്കൽ ചടങ്ങ് ഉദ്ഘാടനം ചെയ്തു.

വനിതവേദി പ്രസിഡണ്ട് കെ.സഞ്ജന അധ്യക്ഷത വഹിച്ച ചടങ്ങിൽ സെക്രട്ടറി റോഷ്നി വി.പി സ്വാഗതവും ചെങ്ങാട്ട് ഹഫ്സത്ത് നന്ദിയും പറഞ്ഞു.വായനശാല ലൈബ്രേറിയൻ പ്രേമകുമാരി ഡോക്ട്ർക്കുള്ള ഉപഹാര സമർപ്പണം നടത്തി.

മനുഷ്യചങ്ങല

ലഹരിക്കെതിരെ മനുഷ്യചങ്ങല തീർത്തു

നിരോധിത ലഹരി ഉപയോഗങ്ങൾക്കെതിരെ പ്രതിജ്ഞ ചൊല്ലി പുത്തൻപീടിക പ്രദേശവാസികൾ.

നവജീവൻ വായനശാലയും

റെഡ് വേവ്സ് ചിറമംഗലവും സംയുക്തമായാണ് ചടങ്ങ് സംഘടിപ്പിച്ചത്.സ്ത്രീകളും കുട്ടികളുമടങ്ങുന്ന വലിയൊരു കൂട്ടായ്മ ചങ്ങലയിൽ അണി ചേർന്നു. മുനിസിപ്പൽ കൗൺസിലർ ജൈനിഷ മണ്ണാറക്കൽ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു

ഗ്രാമീണയാത്ര

നവജീവൻ ബാലവേദിയുടെ നേതൃത്വത്തിൽ കുട്ടികൾക്കായി ഗ്രാമീണ യാത്ര സംഘടിപ്പിച്ചു.ബാലവേദി അംഗങ്ങളായ 25 കൂട്ടികൾ യാത്രയിൽ ചേർന്നു. വള്ളിക്കുന്ന് പഞ്ചായത്തിലെ വിവിധ പ്രദേശങ്ങളാണ് പ്രധാനമായും സന്ദർശിച്ചത്. മത്സ്യ വളർത്തൽ കേന്ദ്രം, ആട് - പശു ഫാമുകൾ, കൂടാതെ CBHSS ൻ്റെ മഹേന്ദ്രൻ്റെ പുരയിട കൃഷിത്തോട്ടം, എന്നിവ കണ്ട ശേഷം കണ്ടൽ കാഴ്ചകളുമായി തോണിയാത്രയും നടത്തുകയുണ്ടായി.

ഗാന്ധി സ്മൃതി ക്വിസ് മത്സരം

നവജീവൻ വായനശാല സംഘടിപ്പിക്കുന്ന രണ്ടാമത് ഗാന്ധി സ്മൃതി ക്വിസ് മത്സരം പരപ്പനങ്ങാടി റസ്റ്റ്ഹൗസ് കോൺഫറൻസ് ഹാളിൽ വെച്ച് നടന്നു.

ഹൈസ്ക്കൂൾ - ഹയർ സെക്കണ്ടറി വിഭാഗം കുട്ടികൾക്കായി ടീം അടിസ്ഥാനത്തിൽ സംഘടിപ്പിച്ച മത്സരത്തിൽ

ശ്രീനന്ദ് സുധീഷ്.പി & നവനീത് കൃഷ്ണൻ.പി

ടീം ഒന്നാം സ്ഥാനത്തിനും

അലൻ ശ്യാം സുനിൽ & യദുനന്ദ്.ജി.ആർ ടീം രണ്ടാം സ്ഥാനത്തിനും സൽമ മെഹർ & ടി.അനയ് സുരേഷ് ടീം മൂന്നാം സ്ഥാനത്തിനും അർഹരായി.

5000 രൂപ, 4000 രൂപ, 3000 രൂപ എന്നിങ്ങനെ യഥാക്രമം വിജയികൾക്ക് ക്യാഷ് പ്രൈസും മെമൻ്റോസും നൽകുകയുണ്ടായി.

തഹസിൽദാർ കെ.ഷാജി വിജയികൾക്കുള്ള സമ്മാനദാനം നിർവ്വഹിച്ചു.

കെ.കുഞ്ഞികൃഷ്ണൻ ക്വിസ് മത്സരം നിയന്ത്രിച്ചു.

വായനശാല പ്രസിഡണ്ട് സനിൽ നടുവത്ത് അധ്യക്ഷത വഹിച്ച ചടങ്ങിൽ

മുനിസിപ്പൽ കൗൺസിലർമാരായ തുടിശ്ശേരി കാർത്തികേയൻ, ജൈനിഷ മണ്ണാറക്കൽ എന്നിവർ ആശംസകളർപ്പിച്ച് സംസാരിച്ചു. വായനശാല സെക്രട്ടറി എം.പ്രഭാകരൻ സ്വാഗതവും മനീഷ് കെ.പി നന്ദിയും പറഞ്ഞു.

ചടങ്ങിൽ നവജീവൻ വായനശാല 70 ൻ്റെ നിറവിലെത്തിയതിൻ്റെ ആഘോഷം വായനശാല പ്രവർത്തകർ ഒന്നിച്ച് കേക്ക് മുറിച്ചു കൊണ്ട് ആഘോഷിച്ചു.

ഓണാഘോഷവും പായസമത്സരവും

നവജീവൻ വായനശാലയുടെ നേതൃത്വത്തിൽ ഓണാഘോഷം സംഘടിപ്പിച്ചു. മുനിസിപ്പൽ കൗൺസിലർ ജൈനിഷ മണ്ണാറക്കൽ ഉദ്ഘാടനവും വിവിധ മത്സരങ്ങളിലെ വിജയികൾക്കുള്ള സമ്മാന വിതരണവും നടത്തി.പായസ മത്സരത്തിൽ കെ.വി.കനകലത വിജയിയായി. ബാലവേദി കൺവീനർ ഡോ.സബ്ന.കെ.വി അധ്യക്ഷത വഹിച്ച ചടങ്ങിൽ വിനോദ് കുമാർ തള്ളശ്ശേരി, രമേശ് എടശ്ശേരി എന്നിവർ സംസാരിച്ചു.വനിതവേദി സെക്രട്ടറി റോഷ്നി വി.പി സ്വാഗതവും സ്മിത സദാനന്ദൻ നന്ദിയും പറഞ്ഞു.പൂക്കളമൊരുക്കിയും ഓണപ്പാട്ടുകൾ ആലപിച്ചും കുട്ടികളുടെ വിവിധ പരിപാടികളുമായി ഓണാഘോഷത്തിന് പരിസമാപ്തി കുറിച്ചു.

സ്വാതന്ത്ര്യത്തിൻ്റെ 75 വർഷങ്ങൾ

ചിത്രരചന മത്സര വിജയികൾക്കുള്ള

സമ്മാനദാനം നടത്തുന്ന ചിത്രകാരൻ

അശോകൻ ആദിപുരേടത്ത്.

വിജയികൾ

KG വിഭാഗം

1st സിയാൻ

2nd ഹാഷ്മി

LP വിഭാഗം

1st ശ്രിത കല്യാണി

2nd മിൻഹ റോഷ്നി

UP വിഭാഗം

1st അഭിനവ് എസ് ദിനേശ്

2nd ആത്മജ

HS വിഭാഗം

അനിരുദ്ധ് കെ.പി

വിജയികൾക്കും പങ്കെടുത്തവർക്കും ആശംസകൾ

ഏകലോകം ഏകാരോഗ്യം ക്യാമ്പയിൻ

പുതിയ ലോകക്രമത്തിൽ പ്രകൃതിയിലുണ്ടാവുന്ന മാറ്റങ്ങൾ മൂലം വന്നുകൊണ്ടിരിക്കുന്ന വൈറസ് രോഗങ്ങളെ സംബന്ധിച്ച് നവജീവൻ സാംസ്ക്കാരിക വേദിയും കേരള ശാസ്ത്രസാഹിത്യ പരിഷത്ത് പരപ്പനങ്ങാടി യൂണിറ്റും സംയുക്തമായി ഏകലോകം ഏകാരോഗ്യം ക്യാമ്പയിൻ സംഘടിപ്പിച്ചു.

തിരൂരങ്ങാടി താലൂക്ക് ഹോസ്പിറ്റൽ സൂപ്രണ്ട് ഡോ.പ്രഭുദാസ് ക്ലാസ്സിന് നേതൃത്വം നൽകി. പരിഷത്ത് യൂണിറ്റ് പ്രസിഡണ്ട് വിനോദ് കുമാർ തള്ളശ്ശേരി അധ്യക്ഷത വഹിച്ച ചടങ്ങിൽ കെ.സി മോഹനൻ മാസ്റ്റർ ആമുഖ ഭാഷണം നടത്തി. സാംസ്ക്കാരികവേദി സെക്രട്ടറി ആനന്ദ് കളരിക്കൽ സ്വാഗതവും കെ.ശീതള നന്ദിയും പറഞ്ഞു.

SLC, PLUS TWO പാസ്സായ വിദ്യാർത്ഥികളെ ആദരിക്കൽ

നവജീവൻ വായനശാലയുടെ യുവത വിഭാഗത്തിൻ്റെ നേതൃത്വത്തിൽ വായനശാല നിൽക്കുന്ന മുനിസിപ്പൽ ഡിവിഷനിലെ SSLC, PLUS TWO പാസ്സായ മുഴുവൻ വിദ്യാർത്ഥികളേയും അനുമോദിച്ചു.തമ്പ്രേരി ജുവൽ റോഷന് വീട്ടിൽ ചെന്ന് ഉപഹാരം നൽകിക്കൊണ്ട് കൗൺസിലർ ജൈനിഷ മണ്ണാറക്കൽ ചടങ്ങ് ഉദ്ഘാടനം ചെയ്തു.

തുടർന്ന് വായനശാല ഓഡിറ്റോറിയത്തിൽ വെച്ചു നടന്ന യോഗത്തിൽ കെ.കുഞ്ഞികൃഷ്ണൻ മാസ്റ്റർ സംസാരിച്ചു. യുവത പ്രസിഡണ്ട് കെ.പ്രശോഭ് അധ്യക്ഷത വഹിച്ച ചടങ്ങിൽ ആര്യ.വി സ്വാഗതവും ആനന്ദ് കളരിക്കൽ നന്ദിയും പറഞ്ഞു.

വി.സാംബശിവൻ അനുസ്മരണം

നവജീവൻ വായനശാല വി.സാംബശിവൻ അനുസ്മരണ ചടങ്ങിൽ തൃക്കുളം കൃഷ്ണൻകുട്ടിയെ ആദരിച്ചു

നവജീവൻ വായനശാലയുടെ വനിതവേദി വി.സാംബശിവൻ അനുസ്മരണം സംഘടിപ്പിച്ചു. കെ. ശീതള അനുസ്മരണ പ്രഭാഷണം നടത്തി.

ചടങ്ങിൽ കാഥികൻ തൃക്കുളം കൃഷ്ണൻകുട്ടിയെ മുതിർന്ന പൊതുപ്രവർത്തകനായ സി.കെ.ബാലൻ പൊന്നാട അണിയിച്ചും സ്നേഹോപഹാരം നൽകിയും ആദരിച്ചു.

വനിതവേദി പ്രസിഡണ്ട് കെ.സഞ്ജന അധ്യക്ഷത വഹിച്ച ചടങ്ങിൽ വായനശാല പ്രസിഡണ്ട് സനിൽ നടുവത്ത് സെക്രട്ടറി എം.പ്രഭാകരൻ എന്നിവർ ആശംസകളർപ്പിച്ച് സംസാരിച്ചു.കെ.പ്രേമകുമാരി സ്വാഗതവും കെ.പി അശ്വതി നന്ദിയും പറഞ്ഞു.

തുടർന്ന് എം.ശോഭന കഥാപ്രസംഗം അവതരിപ്പിച്ചു.

പി.എൻ പണിക്കർ അനുസ്മരണം

ഗ്രന്ഥശാല പ്രസ്ഥാനത്തെ സംബന്ധിച്ച് പ്രഥമഗണനീയനായ നാമധേയമാണ് പി.എൻ പണിക്കരുടേത്. ഗ്രന്ഥശാല പ്രസ്ഥാനത്തിൻ്റെ ഉയർച്ചക്കും വളർച്ചക്കും ജീവിതം നീക്കിവെച്ച പ്രവർത്തകൻ.

പി. എൻ പണിക്കരുടെ സ്മരണ പുതുക്കി നവജീവൻ വായനശാലയിൽ ഇന്നലെ വായനദിന പരിപാടി സംഘടിപ്പിച്ചു.

കവിയും എഴുത്തുകാരിയും പ്രഭാഷകയുമായ വിജിഷ വിജയൻ പി.എൻ പണിക്കർ അനുസ്മരണ പ്രഭാഷണം നടത്തി.

തമ്പ്രേരി ഗോപാലകൃഷ്ണൻ മാസ്റ്റർ സ്മാരക നവജീവൻ പുരസ്ക്കാര സമർപ്പണം

പ്രഥമ നവജീവൻ പുരസ്ക്കാരം യു.കലാനാഥൻ മാസ്റ്റർക്ക് നൽകി

തമ്പ്രേരി ഗോപാലകൃഷ്ണൻ മാസ്റ്ററുടെ സ്മരണാർത്ഥമുള്ള

പ്രഥമ നവജീവൻ പുരസ്ക്കാരത്തിന് യു.കലാനാഥൻ മാസ്റ്റർ അർഹനായി. മുൻ ധനകാര്യ മന്ത്രി ഡോ.ടി.എം തോമസ് ഐസക് പുരസ്ക്കാര സമർപ്പണം നടത്തി. 20,000 രൂപയും ശില്പവും പ്രശസ്തിപത്രവും അടങ്ങുന്ന പുരസ്ക്കാരം അനാരോഗ്യം കാരണം യു.കലാനാഥൻ മാസ്റ്ററുടെ അഭാവത്തിൽ മകൻ ഷമീർ ഏറ്റുവാങ്ങി.

ചടങ്ങിൽ പരപ്പനങ്ങാടി നഗരസഭ ചെയർമാൻ എ.ഉസ്മാൻ മുഖ്യാതിഥിയായി.

നവജീവൻ വായനശാല പ്രസിഡണ്ട് സനിൽ നടുവത്ത് അധ്യക്ഷത വഹിച്ച ചടങ്ങിൽ വി.കെ സൂരജ് തമ്പ്രേരി ഗോപാലകൃഷ്ണൻ മാസ്റ്റർ അനുസ്മരണ പ്രഭാഷണം നടത്തി.ഡോ.കെ.വി.സബ്ന പുരസ്ക്കാര ജേതാവ് യു.കലാനാഥൻ മാസ്റ്ററുടെ ജീവചരിത്രം അവതരിപ്പിച്ചു.സ്വാഗതസംഘം ചെയർമാൻ ടി.കെ അരവിന്ദൻ സ്വാഗതം പറഞ്ഞു.മുനിസിപ്പൽ കൗൺസിലർ തുടിശ്ശേരി കാർത്തികേയൻ, എം.സിദ്ധാർത്ഥൻ, വ്യാപാരി വ്യവസായി ഏകോപന സമിതി പ്രസിഡണ്ട് അഷ്റഫ് കുഞ്ഞാവാസ്, ഡോ.ടി.സേതുനാഥ് എന്നിവർ ആശംസകളർപ്പിച്ച് സംസാരിച്ചു.തമ്പ്രേരി ഗോപാലകൃഷ്ണൻ മാസ്റ്ററുടെ ഭാര്യ വത്സല ടീച്ചർ വായനശാലയുടെ സ്നേഹോപഹാരം തോമസ് ഐസക്കിന് നൽകി.ചടങ്ങിൽ മനീഷ്.കെ.പി നന്ദി പറഞ്ഞു.

സമൂഹ അടുക്കള

നവജീവൻ വായനശാലയുടെ നേതൃത്വത്തിൽ സമൂഹ അടുക്കളക്ക് തുടക്കം കുറിക്കുകയുണ്ടായി.മുനിസിപ്പൽ കൗൺസിലർ തുടിശ്ശേരി കാർത്തികേയൻ

പെനക്കത്ത് വീട്ടിൽ പുഷ്പലത ടീച്ചർക്ക് സമൂഹ അടുക്കളയിൽ നിന്നുള്ള ആദ്യ ഭക്ഷണം കൈമാറ്റം നടത്തിക്കൊണ്ട് ഉദ്ഘാടനം നിർവ്വഹിച്ചു.ഇരുപത്തിരണ്ട് കുടുംബങ്ങൾ സമൂഹ അടുക്കളയിൽ പങ്കാളികളായി ചേർന്നു.

പായാരകൽക്കണ്ടം

പറഞ്ഞും ചിരിച്ചും കളിച്ചും പാടിയും ആടിയും കുട്ടികൾ

തിമിർത്തു പെയ്ത് മധുരമൂറും പായാരകൽക്കണ്ടം നുണഞ്ഞിറങ്ങി.കാണികൾ വിസ്മയം പൂണ്ടു. അവർ മഴയായ് പെയ്തൊഴിഞ്ഞു.

അവരുടെ ആനന്ദത്തിന്

അതിരുകളില്ലായിരുന്നു.

പുഞ്ചിരികൾ നൃത്തം വെക്കുകയായിരുന്നു.

നവജീവൻ ബാലവേദി കുട്ടികളുടെ ഉത്സവദിനമായിരുന്നു

മെയ് 25 ബുധൻ. നവജീവൻ ബാലോത്സവ ദിനം.

കോവിഡ് തീർത്ത

നീണ്ട ഇടവേളക്ക് ശേഷം

ഉണർവിൻ്റെ, ഉത്സാഹത്തിൻ്റെ,

ഉത്സവമായിരുന്നു കുട്ടികൾക്ക്

ബാലോത്സവം 2022.

എന്തെന്തു വർണ്ണങ്ങളായിരുന്നു കുട്ടികൾ...

അവർ പൂമ്പാറ്റകളായി...

ഒരു സായാഹ്നം അവർ

നെഞ്ചേറ്റി.

നിറഞ്ഞ സദസ്സ് നിറകൈയടികൾ നൽകിയപ്പോൾ

കുട്ടികൾഎല്ലാം മറന്ന്

വിയർത്തും കിതച്ചും

പാട്ടുപാടിയും, നൃത്തം ചെയ്തും, മോണോ ആക്ട് അവതരിപ്പിച്ചും, കവിതകൾ ചൊല്ലിയും,

ആംഗ്യപാട്ടുകൾ പാടിയും,

ഉപകരണസംഗീതം വായിച്ചും പരിപാടികൾ ഒന്നിനൊന്ന് മികവുറ്റതാക്കി.

മെയ്ദിനാഘോഷം

നവജീവൻ വായനശാല മെയ്ദിനാഘോഷം നടത്തി

നവജീവൻ വായനശാലയുടെ ഫിലിം ക്ലബ്ബിൻ്റെ ആഭിമുഖ്യത്തിൽ

മെയ്ദിനാഘോഷം സംഘടിപ്പിച്ചു.

ചടങ്ങിൽ പരപ്പനങ്ങാടിയിലെ ആദ്യകാല നാടക പ്രവർത്തകനായ സുരേന്ദ്രൻ പരപ്പനങ്ങാടിയെ കവിയും എഴുത്തുകാരനുമായ വിനോദ് കുമാർ തള്ളശ്ശേരി ആദരിച്ചു.

വായനശാല പ്രവർത്തകരായ ആര്യയും ആനന്ദ് പി കളരിക്കലും ചേർന്ന് നിങ്ങളെന്നെ കമ്യൂണിസ്റ്റാക്കി എന്ന നാടകത്തിലെ പൊന്നരിവാളമ്പിളിയില് എന്ന ഗാനത്തിൻ്റെ രംഗാവിഷ്ക്കാരം പുനരാവിഷ്ക്കരിച്ചു.

നവജീവൻ ഫിലിം ക്ലബ്ബ് പ്രസിഡണ്ട് മനീഷ് കെ പി അധ്യക്ഷത വഹിച്ച ചടങ്ങിൽ ഷിജീഷ് സ്വാഗതവും ഉണ്ണികൃഷ്ണൻ യവനിക നന്ദിയും പറഞ്ഞു.

തുടർന്ന് നാടകഗാനങ്ങളുടെ ആലാപനങ്ങൾ നടന്നു.

പഴയകാല വായനശാല പ്രവർത്തകരെ ആദരിക്കൽ

പഴയകാല വായനശാല പ്രവർത്തകരെ ആദരിച്ച് നവജീവൻ വായനശാല

70 വർഷം പിന്നിടുന്ന പരപ്പനങ്ങാടിയിലെ നവജീവൻ വായനശാല ആദ്യകാല പ്രവർത്തകരായ ടി.നാരായണൻകുട്ടി, ആലത്തിയൂർ ഗോപാലകൃഷ്ണൻ മാസ്റ്റർ, ടി.കെ അരവിന്ദൻ, കെ.പി.രാമകൃഷ്ണൻ, കുന്നത്ത് രാമചന്ദ്രൻ എന്നിവരെ ആദരിച്ചു.ചടങ്ങ് തിരൂരങ്ങാടി താലൂക്ക് ലൈബ്രറി കൗൺസിൽ സെക്രട്ടറി കെ.പി സോമനാഥൻ മാസ്റ്റർ ഉദ്ഘാടനം ചെയ്തു.

കണ്ണംപുറത്ത് ഭാസ്ക്കരൻ്റെ സ്മരണാർത്ഥം നിർമ്മിച്ച ഓഡിറ്റോറിയത്തിൻ്റെ ഉദ്ഘാടനം വായനശാലയുടെ സ്ഥാപക അംഗമായ ടി.നാരായണൻകുട്ടി നിർവ്വഹിച്ചു.വിനോദ് കുമാർ തള്ളശ്ശേരി കെ.പി ഭാസ്ക്കരൻ അനുസ്മരണ പ്രഭാഷണം നടത്തി. വായനശാല പ്രസിഡണ്ട് സനിൽ നടുവത്ത് അധ്യക്ഷത വഹിച്ച ചടങ്ങിൽ സെക്രട്ടറി എം.പ്രഭാകരൻ സ്വാഗതവും മനീഷ്.കെ.പി നന്ദിയും പറഞ്ഞു.

ഏകപാത്ര അഭിനയ മത്സരം

സുഹിൽ സതി നവജീവൻ അഭിനയപ്രതിഭ

പരപ്പനങ്ങാടി

നവജീവൻ വായനശാല നാടകപ്രവർത്തകൻ വി.ശിവശങ്കരൻ്റെ സ്മരണാർത്ഥം സംഘടിപ്പിച്ച NSTFK യുടെ രണ്ടാമത് എഡിഷനിൽ തൃശൂർ സ്വദേശി സുഹിൽ സതി അഭിനയപ്രതിഭയായി.

അയ്യോ എന്ന നാടകത്തിലെ അഭിനയത്തിലൂടെയാണ് സുഹിൽ സതി വിജയിയായത്.

സിനിമ നടൻ ബിനോയ് നമ്പാല വിജയിക്കുള്ള പുരസ്ക്കാരങ്ങൾ വിതരണം ചെയ്തു.10000 രൂപയും ശില്പവുമായിരുന്നു ഉപഹാരം.വി.ശിവശങ്കരൻ്റെ പത്നി കെ.പങ്കജാക്ഷി വിജയിയെ പ്രഖ്യാപിച്ചു.

വായനശാല പ്രസിഡണ്ട് സനിൽ നടുവത്ത് അധ്യക്ഷത വഹിച്ച ചടങ്ങിൽ നാടകപ്രവർത്തകരായ റഫീഖ് മംഗലശ്ശേരി ,നിതിന്യ പട്ടയിൽ, പ്രേമൻ മുചുകുന്ന്, കുമാർ വള്ളിക്കുന്ന് ,മുനിസിപ്പൽ കൗൺസിലർ തുടിശ്ശേരി കാർത്തികേയൻ എന്നിവർ സംസാരിച്ചു.സെക്രട്ടറി എം.പ്രഭാകരൻ സ്വാഗതവും മനീഷ് കെ.പി നന്ദിയും പറഞ്ഞു.

കുടുംബശ്രീയുടെ മാതൃക പ്രവർത്തനം

കുടുംബശ്രീയുടെ നേതൃത്വത്തിൽ മലപ്പുറം ജില്ലയിലെ 30 ഗ്രന്ഥശാലകളിൽ നടപ്പിലാക്കുന്ന മാതൃകാബാല ലൈബ്രറികൾക്കുള്ള സാമ്പത്തിക സഹായ പദ്ധതി മാതൃകാപരമാണ്.പരപ്പനങ്ങാടിയിൽ നിന്ന് നവജീവൻ വായനശാലക്കാണ് ഈ സഹായം ലഭിച്ചിരിക്കുന്നത്.30000 രൂപയാണ് തിരഞ്ഞെടുത്ത ഓരോ ലൈബ്രറിക്കും ധനസഹായമായി നൽകുന്നത്.അതിൽ 20000 രൂപക്ക് ബാലസാഹിത്യ കൃതികളും 10000 രൂപക്ക് പുസ്തകങ്ങൾ വെക്കാനുള്ള അലമാരയും വാങ്ങാം.ഇന്ന് പരപ്പനങ്ങാടി മുനിസിപ്പാലിറ്റിയിൽ വെച്ച് ചെയർമാൻ എ.ഉസ്മാൻ വായനശാല പ്രസിഡണ്ടിന് 30000 രൂപയുടെ ചെക്ക് കൈമാറി.വായനയിലൂടെ കുട്ടികളെ മനുഷ്യരാക്കി മാറ്റാനുള്ള കുടുംബശ്രീയുടെ ഉദ്യമത്തെ പ്രശംസിച്ചേ മതിയാവൂ.

വനിതദിനാഘോഷം

പരപ്പനങ്ങാടി നവജീവൻ വായനശാലയുടെ വനിതവേദി പ്രവർത്തകർ വനിതദിനാഘോഷം സംഘടിപ്പിച്ചു.

പരപ്പനങ്ങാടി മുനിസിപ്പൽ വൈസ് ചെയർപേഴ്സൺ കെ.ഷഹർബാനു ഉദ്ഘാടനം ചെയ്തു.വനിതവേദി പ്രസിഡണ്ട് സ്മിത സദാനന്ദൻ അധ്യക്ഷത വഹിച്ച ചടങ്ങിൽ മുനിസിപ്പൽ കൗൺസിലർ ജൈനിഷ മണ്ണാറക്കൽ, സനിൽ നടുവത്ത്, എം.പ്രഭാകരൻ എന്നിവർ ആശംസകളർപ്പിച്ച് സംസാരിച്ചു.വനിതവേദി സെക്രട്ടറി പ്രവീണ സ്വാഗതവും, സൗദ മിത്ര നന്ദിയും പറഞ്ഞു.

തുടർന്ന് അശ്വതി കെ.പി സംവിധാനം നിർവ്വഹിച്ച നൃത്ത സംഗീതശില്പവും വിവിധ കലാപരിപാടികളും അരങ്ങേറി.

കൃഷിയറിവ് - നാട്ടറിവ്

നവജീവൻ വനിതവേദി പ്രവർത്തകർ കർഷകനായ കൂരിയാട് ഉണ്ണി എന്നവരുടെ കൃഷിയിടം സന്ദർശിച്ചു.വനിത വേദി സെക്രട്ടറി പി.പ്രവീണയുടെ നേതൃത്വത്തിൽ നടന്ന പരിപാടിയിൽ റോഷ്നി വി.പി, വിജിഷ പ്രകാശ്, ശീതള.കെ, ഡോ.കെ.വി സബ്ന, ഷിഫ്സില, സരിത, എന്നിവർ പങ്കെടുത്തു. കുഷിയുടെ വിവിധ വശങ്ങൾ ഉണ്ണികൂരിയാട് വിശദീകരിച്ചു.

പത്മശ്രീ കെ.വി റാബിയക്ക് നവജീവൻ വായനശാലയുടെ ആദരം

സാക്ഷരത പ്രവർത്തനങ്ങളിലൂടെയും വനിതശാക്തീകരണ പ്രവർത്തനങ്ങളിലൂടെയും നാടിൻ്റെ അഭിമാനമായി പദ്മശ്രീ പുരസ്ക്കാര നിറവിലെത്തിയ കെ.വി റാബിയയെ പരപ്പനങ്ങാടിയിലെ നവജീവൻ വായനശാല പ്രവർത്തകർ ആദരിച്ചു.

വായനശാല പ്രസിഡണ്ട് സനിൽ നടുവത്ത്, സെക്രട്ടറി എം.പ്രഭാകരൻ എന്നിവർ ചേർന്ന് വായനശാലയുടെ സ്നേഹോപഹാരം കൈമാറി.

വനിതവേദി പ്രവർത്തകരായ പ്രവീണ.പി, റോഷ്നി വി.പി, വിജിഷ പ്രകാശ്, ശീതള.കെ,ഡോ.സബ്ന.കെ.വി, ഷിഫ്സില, സരിത

എന്നിവരും ചടങ്ങിൽ സംബന്ധിച്ചു.

റാബിയ ആവശ്യപ്പെട്ടതനുസരിച്ച് പ്രവീണ, റോഷ്നി എന്നിവർ ഗാനങ്ങളാലപിച്ചു.

തൻ്റെ ജീവിതത്തെക്കുറിച്ചും പുസ്തകത്തെക്കുറിച്ചും റാബിയ സംസാരിച്ചു.

കുട്ടികളും കൃഷിയും

നവജീവൻ വായനശാലയുടെ ബാലവേദി വിഭാഗം കുട്ടികളിൽ കൃഷിയെക്കുറിച്ച് അവബോധം സൃഷ്ടിക്കുക എന്ന ലക്ഷ്യത്തോടെ

കുട്ടികളും കൃഷിയും പരിപാടി ഗൂഗ്ൾ മീറ്റ് വഴി സംഘടിപ്പിച്ചു.

അബ്ദുറസാഖ് മുല്ലേപ്പാട്ട്

കൃഷി ചെയ്യുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ച് കുട്ടികളോട് വിശദീകരിച്ചു.

തുടർന്ന് കൃഷി ചെയ്യുന്നതിനാവശ്യമായ

പച്ചക്കറി തൈകൾ കുട്ടികൾക്ക് വായനശാലയിൽ വെച്ച്

സൗജന്യമായി നൽകുമെന്ന്

അബ്ദുറസാഖ് പറഞ്ഞു.

കെ.സഞ്ജന കാര്യങ്ങൾ നിയന്ത്രിച്ചു.ബാലവേദി പ്രസിഡണ്ട് ദേവതീർത്ഥ സ്വാഗതവും വൈ.പ്രസിഡണ്ട് ഹാഷിൻ ശങ്കർ നന്ദിയും പറഞ്ഞു.

കുട്ടികളും കൃഷിയും

പരിപാടിയുടെ ഭാഗമായി

പച്ചക്കറി കൃഷി ചെയ്യാൻ

തയ്യാറായി മുന്നോട്ട് വന്ന

ബാലവേദി പ്രവർത്തകർ

ആയുഷ്

ശ്രിത കല്യാണി

ഹാഷിൻ ശങ്കർ

ഹെലൻ സരിത് കൃഷ്ണ

ആരിഫിൻ

ആരാധ്യ

അധിരജ്

ആധിക

ദേവ്സൂര്യ

ആത്മിക

ദേവതീർഥ

യാഷ് ബിനോയ്

ഭാമ

ഭദ്ര

അഗ്രിമ കൃഷ്ണ

ദന്ത സംരക്ഷണ ബോധവത്ക്കരണ ക്ലാസ്സ്

നവജീവൻ വനിതവേദി ദന്ത സംരക്ഷണ ബോധവത്ക്കരണ ക്ലാസ്സ് സംഘടിപ്പിച്ചു

പരപ്പനങ്ങാടി നവജീവൻ വായനശാലയുടെ

വനിതവേദിയുടെ നേതൃത്വത്തിൽ

ദൈനംദിന ജീവിതത്തിൽ ദന്ത സംരക്ഷണത്തിൻ്റെ

ആവശ്യകതയെക്കുറിച്ച്

ബോധവത്ക്കരണ ക്ലാസ്സ്

സംഘടിപ്പിച്ചു.

ഡോ. അശ്വതി.കെ.പി ക്ലാസ്സ് നയിച്ചു.

പല്ലിനും മോണക്കും വരുന്ന

വിവിധ രോഗങ്ങൾ എങ്ങനെ ചെറുക്കാം,

ആരോഗ്യകരമായ ദന്ത സംരക്ഷണം എങ്ങനെ സാധ്യമാക്കാം, ജീവിതശൈലീ രോഗങ്ങളും ദന്ത സംരക്ഷണവും

പല്ലുതേക്കുമ്പോൾ ശ്രദ്ധിക്കേണ്ട കാര്യങ്ങൾ,

എന്നിങ്ങനെ വിവിധ വിഷയങ്ങളെ ആസ്പദമാക്കിയായിരുന്നു ക്ലാസ്സ് നടന്നത്.

തുടർന്ന് സംശയ നിവാരണ സെഷനിൽ സദസ്സ് ആശങ്കപ്പെടുന്ന പല്ലുമായി ബന്ധപ്പെട്ട വിവിധ വിഷയങ്ങളും ചർച്ച ചെയ്യപ്പെട്ടു.

വനിതവേദി പ്രസിഡണ്ട് സ്മിത സദാനന്ദൻ അധ്യക്ഷത വഹിച്ച ചടങ്ങിൽ വിജിഷമോൾ സ്വാഗതവും പ്രേമകുമാരി നന്ദിയും പറഞ്ഞു.